Հայ շախմատիստները՝ տարբեր միջազգային մրցաշարերում

Շախմատի ֆեդերացիայի պաշտոնական կայքը ներկայացնում է հայ շախմատիստների հաջողությունները տարբեր միջազգային մրցաշարերում:

Ըատ այդմ՝ գրոսմայստեր Եվգենյա Դոլուխանովան հիանալի հանդես եկավ Դանիայի Աարհուս քաղաքում շրջանային մրցակարգով անցկացված մրցաշարում: Նա չկրեց ոչ մի պարտություն եւ, 9 հնարավորից վաստակելով 7,5 միավոր, միանձնյա նվաճեց առաջին մրցանակը:

Մրցաշարին մասնակցում էին Հայաստանի, Ռուսաստանի, Գերմանիայի, Շվեդիայի, Նորվեգիայի, Դանիայի ներկայացուցիչներ:

Գրոսմայստեր Սերգեյ Կասպարովը (Բելառուս) Իտալիայի Բերգամո քաղաքում անցկացված մրցաշարում 6 հնարավորից վաստակեց 4,5 միավոր եւ 56 մասնակիցների մեջ նվաճեց երկրորդ մրցանակը: Կասպարովը միայն կես միավորով ետ մնաց հաղթողից’ բուլղարացի գրոսմայստեր Կիրիլ Գեորգիեւից:

Գրոսմայստեր Գիորգի Բագատուրովը (Վրաստան) Բուլղարիայի Վառնա քաղաքում անցկացվող օփենում 4 հնարավորից վաստակել է 4 միավոր եւ երեք այլ մասնակիցների հետ գլխավորում է աղյուսակը:

Միջազգային վարպետ Վալենտին Փամբուկչյանը (Բուլղարիա) վաստակել է 3 միավոր:

Մրցաշարին մասնակցում են 79 շախմատիստներ: