Փեզեշքիանը հույս է հայտնել, որ Իրանը կկարողանա դուրս գալ Իսրայելի հետ ճգնաժամից

Իրանի նախագահ Մասուդ Փեզեշքիանն իրանա-իսրայելական հակամարտության վերաբերյալ ԱՄՆ-ից սպասվող որոշման ֆոնին հույս է հայտնել, որ Թեհրանին կհաջողվի դուրս գալ ընթացիկ ճգնաժամից: Այս մասին հայտնել է իրանական CNN հեռուստաալիքը։

Ավելի վաղ ABC հեռուստաալիքը հայտնել էր, որ ԱՄՆ-ում հայտարարել են Իրանի հետ հակամարտությունում առաջիկա 24-48 ժամվա վճռորոշ լինելու մասին՝ ակնարկելով հնարավոր ռազմական լուծման մասին, եթե դիվանագիտական լուծում չլինի:

«Հուսով եմ, որ միասնության և միասնականության շնորհիվ մեզ կհաջողվի հաղթահարել ճգնաժամը, որում հայտնվել ենք և կշարունակենք շարժվել մեր ճանապարհով»,- ասել է Փեզեշքիանը կառավարության նիստում։

Ըստ նախագահի մամուլի ծառայության՝ նա նաև հանձնարարել է տարբեր նախարարություններին շարունակել փոխգործակցությունը տարբեր երկրների, հատկապես՝ հարևան երկրների հետ: