Վլադիմիր Պուտինի և Դոնալդ Թրամփի անձնական հանդիպումն անպայման կկայանա․ Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ Վլադիմիր Պուտինի և Դոնալդ Թրամփի անձնական հանդիպումն անպայման կկայանա, այդ ժամանակ նախագահները կարող են արձանագրել խոշոր պայմանավորվածություններ։

«Հնարավոր է` այդ հանդիպումն անհրաժեշտ լինի, որպեսզի ամրագրվեն ինչ-որ խոշոր համաձայնություններ, որ ձեռք կբերվեն ժամանակի ընթացքում, երբ կատարված կլինի հսկայածավալ աշխատանք, բայց առայժմ դրա ժամանակը չէ, այդ աշխատանքը դեռևս պետք է կատարվի»,- ասել է նա: