Բաքուն ակնկալում է, որ Հայաստանի կփոխի ահմանադրությունը՝ խաղաղության համաձայնագիր կնքելու համար. Բայրամով
Կարդացեք նաև
Ադրբեջանի արտաքին գործերի նախարար Ջեյհուն Բայրամովը հայտարարել է, որ ԱՄՆ-ում ստորագրված փաստաթղթերը նշանակալի իրադարձություն են Ադրբեջանի և Հայաստանի միջև հարաբերությունների կարգավորման գործընթացում։
Նրա խոսքով՝ Ադրբեջանի հետևողական քաղաքականությունը հասել է իր տրամաբանական ավարտին․ «Մեր արտաքին քաղաքականության արդյունքում հակամարտության կարգավորումը լիովին համապատասխանում է ազգային շահերին։ Նույնիսկ ամենաբարդ ժամանակներում Ադրբեջանը թույլ չի տվել օկուպացիայի օրինականացում»,–ասել է Բայրամովը։
Նա հիշեցրել է, որ մինչև այս տարվա հունվարի վերջը Հայաստանը չէր համաձայնում խաղաղության պայմանագրի մի շարք դրույթների հետ․ «Հայաստանը մերժում էր հատկապես այն կետերը, որոնք վերաբերում էին դատարաններում հայցերի հետկանչմանը և սահմանին երրորդ ուժերի տեղակայմանը։ Սակայն Դոնալդ Թրամփի ներկայությամբ Ադրբեջանի և Հայաստանի ղեկավարների կողմից ստորագրված համատեղ հայտարարությունը վերահաստատում է Ադրբեջանի խաղաղ օրակարգը», – ընդգծել է նա։
Ի դեպ՝ Բայրամովը խոսել է ադրբեջանա-հայաստանյան խաղաղության գործընթացում Թուրքիայի հատուկ դերի մասին։
Նախագահ Իլհամ Ալիևի Վաշինգտոնում արված հայտարարությունները ևս մեկ անգամ ապացուցեցին, որ Ադրբեջանը շահագրգռված է արդար խաղաղության հասնելու հարցում։
Ըստ APA-ի՝ արտաքին գործերի նախարար Ջեյհուն Բայրամովը այս հայտարարությունն արել է նախարարների կաբինետի հատուկ նիստում՝ նվիրված նախագահ Իլհամ Ալիևի Վաշինգտոն այցին։
Նախարարը նշել է, որ Թուրքիայի դերը այս գործընթացում առանձնահատուկ կարևորություն ունի. «Թուրքիան միջազգային մակարդակով աջակցել է Ադրբեջանի արդար դիրքորոշմանը, գործընթացի ընթացքում համակարգված քայլերը դրական ներդրում են ունեցել։ Թուրքիայի ակտիվ դիրքորոշումը կարևոր դեր է խաղացել կայունության ապահովման գործում։ Իր հերթին, մենք նույնպես պարբերաբար տեղեկացնում ենք թուրքական կողմին ձեռնարկված միջոցառումների մասին և համատեղ քայլեր ենք ձեռնարկում կայուն խաղաղության ուղղությամբ»։
«Բաքուն ակնկալում է, որ Երևանը կփոփոխի Հայաստանի սահմանադրությունը և լիովին կվերացնի Ադրբեջանի նկատմամբ տարածքային պահանջները՝ խաղաղության համաձայնագիր կնքելու համար»,- հայտարարել է նա։
Բայրամովը նաև նշել է, որ Վաշինգտոնում ստորագրված համատեղ հռչակագրում հատկապես ընդգծվում է Նախիջևանի Ինքնավար Հանրապետության հետ անխոչընդոտ հաղորդակցության կարևորությունը՝ որպես Ադրբեջանի անբաժանելի մաս։
«Զանգեզուրի միջանցքը (Թրամփի երթուղի), որի մի մասը կանցնի Հայաստանի տարածքով, կապահովի Ադրբեջանի ներսում ամբողջական կապը և տարածաշրջանային տնտեսական ինտեգրումը։ Այս նախագիծը նաև կընդլայնի տարածաշրջանային առևտրի և տրանսպորտային հնարավորությունները», – ընդգծել է Բայրամովը։
Հետևեք մեզ նաև Telegram-ում