Սամվել Կարապետյանի նախաձեռնությամբ իրականացվեց «15000 պայուսակ, 15000 ժպիտ» ծրագիրը

Գործարար, բարերար Սամվել Կարապետյանն իր էջում գրել է. «Սիրելի՛ դպրոցականներ, ուսանողներ, ծնողներ և ուսուցիչներ, կրթության ոլորտի ներկայացուցիչներ,

Շնորհավորում ենք ձեզ Գիտելիքի և դպրության օրվա կապակցությամբ:

Ցանկանում ենք բոլորիդ լուսավոր ճանապարհ, բարձր առաջադիմություն և հաջողություններով լի ուսումնական տարի:

Առանձնակի ջերմությամբ ուզում ենք մեր բարեմաղթանքները հղել բոլոր առաջին դասարանցիներին: Այսօր դուք առաջին անգամ ոտք եք դնում դպրոց, սկսվում է ձեր նոր և հետաքրքիր ճանապարհը դեպի գիտելիքների աշխարհ` դեպի մեծ ապագա: Փորձեք հնարավորինս արդյունավետ օգտագործել ձեր ժամանակը:

Բարի երթ:

Վերջին օրերի ընթացքում «Տաշիր» բարեգործական հիմնադրամը Սամվել Կարապետյանի նախաձեռնությամբ իրականացրեց արդեն ավանդական դարձած «15000 պայուսակ, 15000 ժպիտ» ծրագիրը` դրական էմոցիաներ պարգևելով գյուղական համայնքների առաջին դասարանցիներին»:

Հետևեք մեզ նաև Telegram-ում