Մարտուն Գրիգորյանը այցեր է սկսել Գյումրու թաղեր
Նմանատիպ
ԱԺ պատգամավոր Մարտուն Գրիգորյանը, որի ղեկավարած «Մեր քաղաքը» դաշինքը Գյումրու ավագանու կազմում է, սկսել է այցեր քաղաքի թաղեր։
«Սկսում ենք ծայրամասային Սևերսկի թաղամասից, ինչպես և խոստացել էի, նախընտրական շրջանում` պետք է գույքագրենք ամբողջ քաղաքի խնդիրները»,-գրել է նա։
Այստեղի բնակիչները դիմել են խմբակցության անդամներին՝ բողոքելով կոյուղատար համակարգի խողովակատարի խնդրից, որի հետևանքով խցանումներ են առաջանում։ Խնդիրն առկա է 1960 թվականից, կոյուղատար համակարգն ավելի բարձր է, քան թաղամասը։ «Մեր քաղաքը» խմբակցության անդամները հանդիպել են «Վեոալ Ջուր» ընկերության ներկայացուցիչներին։ Որոշվել է խողովակատարը փոխել։
Մ. Գրիգորյանը համոզված է, որ աշխատասենյակներում նստելով խնդիրները չեն լուծվի։
«Պիտի հանդիպենք, խոսենք ժողովրդի հետ, տեղում ուսումնասիրենք, հասկանանք խնդիրները, որպեսզի գտնենք լուծումները»,-նշում է Գրիգորյանը։
Հետևեք մեզ նաև Telegram-ում