Ադրբեջան-Հայաստան այժմյան հարաբերություններն ամենախաղաղ ու կայուն փուլում են. Բայրամով
04/12/2025 23:26
Կարդացեք նաև
Ըստ Ադրբեջանի ԱԳ նախարար Ջեյհուն Բայրամովի՝ Ադրբեջան-Հայաստան այժմյան հարաբերություններն ամենախաղաղ ու կայուն փուլում են․ տեղեկացնում են ադրբեջանական լրատվամիջոցները։
Պաշտոնական Բաքվի ներկայացուցիչը նման հայտարարություն արել է Վիեննայում՝ ԵԱՀԿ ԱԳ նախարարների 32-րդ հանդիպմանը։
Նրա խոսքով՝ երկու կողմերն էլ տարբեր մակարդակներում՝ կառավարություն, խորհրդարան ու քաղաքացիական հասարակություն, կոնկրետ քայլեր են ձեռնարկում մեկնարկած խաղաղության գործընթացին թափ հաղորդելու համար։
«Ադրբեջանը, որպես բարի կամքի ժեստ, միակողմանիորեն հանել է Հայաստանի համար ուժի մեջ եղած տարանցիկ սահմանափակումները։ Այս զարգացումները պարզ ցույց են տալիս, որ առաջ շարժվելու լավագույն ճանապարհը երկկողմ բանակցություններն են»,- նշել է Բայրամովը։
Հետևեք մեզ նաև Telegram-ում