Ի՞նչ էր ասում հրամանը՝ գործակալների 3-րդ ձևի լրացման մասին
Կարդացեք նաև
Նախօերին Եզրաս Սրբազանի գործակալ լինելու վերաբերյալ «գաղտնազերծված» «3-րդ ձև»-ի հրապարակումից հետո սոցցանցերում բազմաթիվ օգտատերեր ծաղրում են այդ փաստը՝ համարելով կեղծված, որի նպատակը հոգևորականների դեմ ճնշումների մեծացումն ու նրանց մասին սուտ տեղեկությունների տարածումը։ Ոմանց ւշադրությունը գրավել է փաստաթղթի հայերեն լինելը, ինչպես նաև նշվող տարեթիվը, երբ իբր հոգևորականին «վերբովկա» է արել ԿԳԲ-ն։
Այս առիթով ֆեյսբուքյան օգտատեր Ալեն Ղուլյանն նկատել է․ ««Զորակոչի ամսաթիվ» սյունակում նշված է 1986 թվականը։ Այսինքն, ենթադրյալ զորակոչը կատարվել է ԽՍՀՄ ՊԱԿ-ի աշխատակիցների կողմից, այլ ոչ թե անկախ Հայաստանի Ազգային անվտանգության ծառայության։ Այդ ժամանակ ՊԱԿ հետախուզական գրառումները վարում էր խստորեն հետևելով թիվ 00145 հրամանի պահանջներին։
Ըստ «ԽՍՀՄ պետական անվտանգության մարմիններում գործակալների գրանցման հրահանգների հաստատման մասին» հրամանի, որը հաստատվել է ԽՍՀՄ ՊԱԿ-ի նախագահի կողմից 1983 թվականի հուլիսի 4-ին, 42-րդ կետում հստակ նշված է.
«…Գործակալի քարտի ցանկի համար նախատեսված 3-րդ և 3-ա ձևաթղթերը լրացվում են գրամեքենայով կամ ձեռքով՝ քիմիական մանուշակագույն թանաքով, ռուսերենով, ընթեռնելի, առանց բծերի, ջնջումների կամ ուղղումների: Ազգանունը, անունը և հայրանունը գրվում են տպագիր տառերով…»
Հ.Գ. Ներկայիս և նախկին աշխատակիցները կարող են հաստատել, որ նույնիսկ հետխորհրդային շրջանում, երկար տարիներ, գրասենյակային աշխատանքը տարվում էր ռուսերենով»։
Հետևեք մեզ նաև Telegram-ում