Թրամփը սպառնացել է Ֆրանսիային 200% մաքսատուրքով. Մակրոնը հրավիրել է նրան ընթրիքի

Պատասխանելով հարցին` Ֆրանսիայի նախագահ Էմանուել Մակրոնի Գազայի վերաբերյալ  «Խաղաղության խորհրդին» միանալու  անհամաձայնության մասին, Դոնալդ Թրամփը սպառնացել է 200% մաքսատուրք սահմանել գինու վրա, հայտնում է Reuters-ը։

«Ես 200%-ոց տուրք կկիրառեմ նրա գինու ու շամպայնի վրա, և նա կմիանա, բայց պարտավոր չէ», — հավելել է ԱՄՆ նախագահը։

Ավելի վաղ ԱՄՆ նախագահը հրապարակել է իր TruthSocial սոցիալական ցանցում Մակրոնից մի հաղորդագրության սքրինշոթ (Reuters-ի աղբյուրի համաձայն, որը մոտ է Ֆրանսիայի նախագահին, սա իսկական սքրինշոթ է)։ Այնտեղ Ֆրանսիայի նախագահը գրում է, որ համաձայն է ԱՄՆ նախագահի հետ մի շարք հարցերում (Սիրիա, Իրան)։

«Բայց ես չեմ հասկանում, թե դու ինչ ես անում Գրենլանդիայի հետ», — գրել է Մակրոնը։

Մակրոնը առաջարկել է կազմակերպել G7 հանդիպում ՝ Դավոսյան ֆորումից հետո և հրավիրել այդ հանդիպմանը ուկրաինացիներին, դանիացիներին, սիրիացիներին և ռուսներին։ Նա նաև Թրամփին հրավիրել է  ընթրիքի՝ Փարիզում, չորեքշաբթի երեկոյան։

Հետևեք մեզ նաև Telegram-ում