ԱՄՆ փոխնախագահի սոցցանցի էջից հանվել է Հայոց gեղաuպանnւթյան հուշահամալիր այցի մասին գրառումը
Կարդացեք նաև
Պաշտոնական այցով Հայաստան ժամանած ԱՄՆ փոխնախագահ Ջեյ Դի Վենսը տիկնոջ՝ Ուշա Վենսի հետ այսօր այցելել էր Հայոց ցեղասպանության հուշահամալիր, որից հետո գրառում արել և լուսանկարներ հրապարակել իր էջում։ Նա իր գրառման մեջ երկու անգամ նշել է «Հայոց ցեղասապնություն» ձևակերպումը։
Սակայն որոշ ժամանակ անց գրառումն ու լուսանկարները հանվել են ԱՄՆ փոխնախագահի էջից։ Վենսի մամուլի քարտուղար Թեյլոր Վան Քըրքն է հրապարակում կատարել՝ հայտնելով միայն հուշահամալիր այցի մասին և տեղադրելով Վենսի՝ Հայոց ցեղասպանության թանգարանի Պատվավոր հյուրերի հուշամատյանում արված գրառման լուսանկարը։
Հիշեցնենք, որ պաշտոնական այցով Հայաստան ժամանած ԱՄՆ փոխնախագահ Ջեյ Դի Վենսը տիկնոջ՝ Ուշա Վենսի հետ այսօր այցելել է Հայոց ցեղասպանության հուշահամալիր: Ջեյ Դի Վենսը ծաղկեպսակ է դրել Հայոց ցեղասպանության զոհերի հիշատակը հավերժացնող հուշակոթողին, այնուհետև հյուրերը ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության անմեղ զոհերի հիշատակը: Այցի ավարտին ԱՄՆ փոխնախագահը գրառում է կատարել Հայոց ցեղասպանության թանգարանի Պատվավոր հյուրերի հուշամատյանում, նշելով՝ «Կորցրած կյանքերի հանդեպ խորին հարգանքի հիշատակով մենք պատվում ենք հայ ժողովրդի տոկունությունն ու անսասան ոգին։ Թող Ամերիկան և Հայաստանը միասին ձգտեն խաղաղության և փոխըմբռնման ապագայի»:
Հետևեք մեզ նաև Telegram-ում