Եղանակային անբարենպաստ պայմանների պատճառով Եվրո-2016-ի ընտրական փուլի Իտալիա-Խորվաթիա հանդիպումը, հնարավոր է, հետաձգվի:
Միլանում, որտեղ նախատեսված է անցկացնել խաղը, վերջին շաբաթների ընթացքում ուժեղ անձրևներ են տեղում: Անձրևների պատճառով վնասվել է «Սան-Սիրո» մարզադաշտի խոտածածկը, որտեղ կայանալու է հանդիպումը: Իտալական մամուլից տեղեկանում ենք, որ երկու հավաքականներն էլ հետաձգել են մարզադաշտում նախատեսված նախախաղյա մարզումը:
«Եթե խոտածածկը մնա այս վիճակում, չեմ կարծում, թե խաղը կկայանա: Դա նման կլինի ջրագնդակի խաղի: Եթե իրավիճակը չշտկվի, հանդիպումը պետք է հետաձգվի»,-ասել է Խորվաթիայի հավաքականի գլխավոր մարզիչ Նիկո Կովաչը:
