Սև ծովի անվտանգությունը` Ռուսաստանի և Թուրքիայի օրակարգում
Կարդացեք նաև
Ռուսաստանի արտաքին գործերի նախարարությունը հայտնել է, որ Մոսկվայում հանդիպել են Ռուսաստանի ԱԳ նախարարի տեղակալ Ալեքսանդր Գրուշկոն և Մոսկվայում Թուրքիայի դեսպան Թանժու Բիլգիչը։ Ռուսական կողմի պաշտոնական հաղորդագրության համաձայն՝ քննարկման առանցքում եղել են Սև ծովի տարածաշրջանում առկա անվտանգային իրավիճակը, էներգետիկ ենթակառուցվածքների նկատմամբ սպառնալիքները, ինչպես նաև երկկողմ հարաբերություններն ու առաջիկա քաղաքական շփումների օրակարգը և դրանց ժամանակացույցը։
Ռուսաստանի ԱԳՆ-ի տարածած հայտարարության համաձայն՝ հատուկ ուշադրություն է դարձվել մարտի 26-ին տեղի ունեցած միջադեպին: Նշվել է, որ Թուրքիայի տարածքային ջրերի հարևանությամբ հարձակման է ենթարկվել թուրքական ընկերությանը պատկանող նավթային տանկեր և, ըստ ռուսական կողմի, հարձակումը իրականացվել է անօդաչու ծովային և օդային միջոցներով։
Հրապարակված տեքստի համաձայն՝ ռուսական կողմը տեղեկացրել է նաև, որ Ուկրաինայի զինված ուժերը շարունակում են թիրախավորել Կրասնոդարի ափամերձ տարածքում գտնվող կոմպրեսորային կայանները՝ փորձելով վնասել «Կապույտ հոսք» և «Թուրքական հոսք» գազատարների ենթակառուցվածքները։
Ռուսաստանի արտաքին քաղաքական գերատեսչության ղեկավարի տեղակալը ընդգծել է նաև, որ սպասում է Կիևի գործողությունների նկատմամբ հստակ դատապարտման և կարևորել է տարածաշրջանում էներգետիկ մատակարարումների անվտանգությունն ապահովելու ուղղությամբ լրացուցիչ քայլերի իրականացումը:
Հետևեք մեզ նաև Telegram-ում