ԱՄՆ-ը դեսանտային գրոհային նավեր է մոտեցնում Պարսից ծոցին

ԱՄՆ ԶՈւ «USS Tripoli» դեսանտային գրոհային նավը ժամանել է Պարսից ծոց՝ տեղափոխելով մոտավորապես 3500 նավաստիների և ծովային հետևակի, ինքնաթիռներ և սպառազինություն: ԱՄՆ Կենտրոնական հրամանատարությունը (CENTCOM) մարտի 28-ին հայտարարել է նավի նոր տեղակայման մասին: «Դոյչե վելե»-ն հայտնում է, որ նավի առաքելության մանրամասները չեն հրապարակվել։

«Ամերիկա» դասի դեսանտային գրոհային նավը ծառայում է որպես «Տրիպոլի» դեսանտային խմբի/31-րդ ծովային հետևակի գրոհային ուժերի դրոշակակիր նավ, որը բաղկացած է մոտավորապես 3500 նավաստիներից և ծովային հետևակի, ինչպես նաև տրանսպորտային և հարվածային կործանիչներից, դեսանտային գրոհային մեքենաներից և մարտավարական միջոցներից», – գրել է CENTCOM-ը սոցիալական ցանցերում։

Հոդվածի համաձայն՝ Մերձավոր Արևելք են ուղևորվում նաև ևս երեք նավեր, որոնք տեղափոխում են լրացուցիչ էլիտար զորքեր, այդ թվում՝ «USS Boxer» դեսանտային գրոհային նավը: Պարսից ծոցի տարածաշրջան «USS Tripoli» տեղակայման մասին լրատվամիջոցներում առաջին անգամ հաղորդագրություններ են հայտնվել մարտի կեսերին։ Մարտի 24-ին The New York Times-ը և The Financial Times-ը հայտնեցին, որ ԱՄՆ-ն Մերձավոր Արևելք կտեղակայի լրացուցիչ 2000 դեսանտային, ինչը տարածաշրջանում զորքերի ընդհանուր թիվը կհասցնի 7000-ի։

Ենթադրվում է, որ ամերիկացի զինվորները կարող են օգտագործվել Իրանի Խարգ կղզին գրավելու համար, որը Պարսից ծոցի հյուսիսային մասում գտնվող նավթի արտահանման հիմնական կենտրոններից մեկն է։ The Washington Post-ի տվյալներով՝ Պենտագոնը պատրաստվում է շաբաթներ տևող ցամաքային գործողությունների Իրանում, որոնք ավելի շուտ կլինեն ռեյդեր, քան լայնածավալ ներխուժում։ ԱՄՆ-Իսրայել պատերազմը Իրանի հետ շարունակվում է մարտի 5-ից։

Հետևեք մեզ նաև Telegram-ում