Ճապոնիան չի վճարել Իրանին Հորմուզի նեղուցով անցման համար․ Nikkei

Ճապոնիան որևէ վճարում չի կատարել Իրան-ին՝ իր նավթատարի Հորմուզի նեղուցով անցման դիմաց։ Այս մասին հայտնում է ճապոնական Nikkei-ը։

Խոսքը վերաբերում է «Idemitsu Maru» նավթատարին, որը պատկանում է ճապոնական Idemitsu Kosan ընկերությանը։ Նշվում է, որ նավի անվտանգ անցումը ապահովվել է ոչ թե որևէ տուրքի կամ վճարի միջոցով, այլ Ճապոնիայի կառավարության և իրանական կողմի միջև իրականացված բանակցությունների արդյունքում։

Տոկիոյի բարձրաստիճան պաշտոնյաներից մեկը հայտարարել է, որ իրավիճակը լուծվել է դիվանագիտական շփումների միջոցով՝ առանց ֆինանսական փոխանցումների կամ լրացուցիչ վճարների։

Ավելի վաղ իրանական լրատվամիջոցները հայտնել էին, որ «Idemitsu Maru» նավթատարը, որը տեղափոխում էր շուրջ 2 միլիոն բարել նավթ, Հորմուզի նեղուցը հատել է Իրանի աջակցությամբ։ Նավը փետրվարի վերջից կանգնած էր Սաուդյան Արաբիայի ափերի մոտ։

Հետևեք մեզ նաև Telegram-ում