Ռուսական նոր հարվածները կրկին կրակի մեջ են գցել Ուկրաինայի քաղաքները
Կարդացեք նաև
Ռուսաստանը վերսկսել է հարվածները Ուկրաինայի տարբեր շրջանների ուղղությամբ․ գիշերվա և առավոտյան ժամերին մի շարք քաղաքներում հրդեհներ ու ավերածություններ են արձանագրվել։
Կիևում, քաղաքային ռազմական վարչակազմի ղեկավար Տկաչենկոյի տվյալներով, անօդաչու թռչող սարքի բեկորները ընկել են Օբոլոնսկի շրջանում գտնվող 16-հարկանի բնակելի շենքի տանիքին։ Արդյունքում բռնկված հրդեհը հաջողվել է մարել, սակայն շենքի տանիքը վնասվել է։
Կիևի մարզում, մարզային վարչակազմի փոխանցմամբ, հարվածների թիրախում են հայտնվել բնակելի տներն ու քաղաքացիական ենթակառուցվածքները։ Ֆաստովի շրջանում վնասվել է մանկապարտեզ, որտեղ հրդեհ է բռնկվել տանիքում։ Մոտակայքում գտնվող չորսհարկանի շենքում կոտրվել են պատուհանները, վնասվել են նաև երկու առանձնատներ։
Դնեպրում առավոտյան հարձակման հետևանքով մեկ մարդ տուժել է։ Տեղում հրդեհ է բռնկվել, վնասվել է նաև տրանսպորտային ենթակառուցվածքը։
Պավլոգրադում անօդաչու սարքը հարվածել է բազմահարկ բնակելի շենքի։
Մոնիթորինգային ռեսուրսների տվյալներով՝ «Շահեդ» տեսակի անօդաչուների հարձակումները դեռ շարունակվում են։
