Թրամփը կարող է Չինաստանից վերադառնալուց հետո նոր հարվածների հրաման տալ Իրանին

ԱՄՆ նախագահ Դոնալդ Թրամփը կարող է Իրանին նոր հարվածներ հասցնելու հրաման տալ անմիջապես Չինաստան կատարած այցից վերադառնալուց հետո։ Այս մասին հայտնում է Al Hadath-ը։

Ըստ աղբյուրի՝ Վաշինգտոնն արդեն տեղեկացրել է Իսրայելին նման հնարավորության մասին, իսկ Թել Ավիվում պատրաստվում են ռազմական գործողությունների հնարավոր վերսկսմանն ու Թեհրանի հավանական պատասխանին։

Հաղորդվում է նաև, որ վերջին օրերին Իսրայելի պաշտպանության բանակի և ԱՄՆ ԶՈւ Կենտրոնական հրամանատարության ներկայացուցիչները քննարկել են Իրանի վառելիքային և էներգետիկ ենթակառուցվածքների դեմ հնարավոր հարվածների տարբերակներ։

Աղբյուրի փոխանցմամբ՝ հիմնական նպատակը Թեհրանի նկատմամբ ճնշման ուժեղացումն է՝ նրան միջուկային ծրագրի շուրջ բանակցություններին վերադարձնելու համար՝ Վաշինգտոնի համար առավել շահավետ պայմաններով։

Տարածաշրջանում լարվածությունը շարունակում է աճել, իսկ կողմերի հայտարարությունները նոր ռազմական սրման հավանականության մասին մտահոգություններ են առաջացնում միջազգային հանրության շրջանում։

Հետևեք մեզ նաև Telegram-ում