ՀԱՄԱՍ-ը հաստատել է իր հրամանատարի կորուստը
Կարդացեք նաև
Պաղեստինյան ՀԱՄԱՍ խմբավորման խոսնակը BBC-ին տված հարցազրույցում պաշտոնապես հաստատել է, որ կառույցի զինված թևի հիմնական հրամանատարներից մեկը՝ Իզ ադ-Դին ալ-Հադդադը, սպանվել է Գազայի հատվածում Իսրայելի պաշտպանության բանակի (ՑԱԽԱԼ) իրականացրած թիրախային օդային հարվածի արդյունքում:
Վարչապետ Բենիամին Նեթանյահուն և պաշտպանության նախարար Իսրայել Կացը հանդես են եկել համատեղ հայտարարությամբ։ Նրանք նշել են, որ Ալ-Հադդադը հանդիսանում էր հոկտեմբերի 7-ի կոտորածի գլխավոր ճարտարապետներից մեկը և անմիջականորեն պատասխանատու է հազարավոր իսրայելցի քաղաքացիական անձանց ու զինվորների սպանությունների, վիրավորումների և առևանգումների համար:
Այս ֆոնին, Իրանի և ԱՄՆ-Իսրայել դաշինքի միջև ծավալված ուղղակի ռազմական հակամարտության պատճառով, Գազայի հատվածում կրակի դադարեցմանն ուղղված միջազգային ջանքերը հայտնվել են փակուղում։ Վաշինգտոնի միջնորդությամբ նախկինում մշակված խաղաղության ծրագրի հաջորդական փուլերի իրականացումն ամբողջությամբ կասեցվել է:
Փորձագետները նշում են, որ հրամանատարական կազմի նման բարձրաստիճան դեմքի կորուստը կարող է էլ ավելի սրել իրավիճակը Մերձավոր Արևելքում և խորացնել տարածաշրջանային մեծ պատերազմի ճգնաժամը։
Հետևեք մեզ նաև Telegram-ում