Լուի վան Գալ. Հույս ունեմ` «Ոսկե գնդակը» կստանա Գերմանիայի հավաքականի ֆուտբոլիստ
Նմանատիպ
«Մանչեսթեր Յունայթեդի» գլխավոր մարզիչ Լուի վան Գալը կարծում է, որ 2014 թվականի լավագույն ֆուտբոլիստի կոչմանը պետք է արժանանա Գերմանիայի հավաքականի ֆուտբոլիստներից որևէ մեկը:
Ըստ հոլանդացի մասնագետի` «Ոսկե գնդակին» այս անգամ Ռոնալդուն կամ Մեսսին արժանի չեն, թեպետ տարվա ընթացքում Ռոնալդուն մի շարք ռեկորդներ է սահմանել, իսկ Մեսսին օգնել է Արգենտինայի հավաքականին հասնել Աշխարհի առաջնության եզրափակիչ:
«Սովորաբար «Ոսկե գնդակը» հանձնում են հանրաճանաչ ֆուտբոլիստի: Կարծում եմ` այս անգամ էլ մրցանակը կստանա կա՛մ Ռոնալդուն, կա՛մ Մեսսին, սակայն ցանկանում եմ ընդգծել` այս կոչմանն արժանանալու համար պետք է հաղթել որևէ մրցաշարում` լավագույն դեպքում` Աշխարհի առաջնությունում:
Հույս ունեմ` մրցանակը կստանա Գերմանիայի հավաքականի ֆուտբոլիստներից որևէ մեկը, չէ՞ որ հենց գերմանացիներն են արժանի»,-ասել է Լուի վան Գալը «Մանչեսթեր Յունայթեդի» պաշտոնական ալիքին տված հարցազրույցում:
Գերմանիայի հավաքականի ֆուտբոլիստներից մրցանակը ստանալու գլխավոր հավակնորդը դարպասապահ Մանուել Նոյերն է: «Ոսկե գնդակ 2014»-ի բոլոր թեկնածուների ցանկին կարող եք ծանոթանալ այս հղմամբ:
Հետևեք մեզ նաև Telegram-ում