Նոր սահմանադրության ընդունումը, որով կարգելվի որևէ մեկին երկու անգամից ավել զբաղեցնել երկրի ղեկավարի պաշտոնը. Բաբկեն Հարությունյան
Կարդացեք նաև
«Հայրենիք» կուսակցության անդամ Բաբկեն Հարությունյանը գրում է. «Նոր սահմանդրություն և երկիրը երկու ամգամից ավել ղեկավարելու արգելք։
Տեր-Պետրոսյանը, Քոչարյանը և Սարգսյանը բազմիցս են ասել, որ իրենց նպատակը վարչապետի պաշտոնից Փաշինյանի հեռացումն է` հանուն Հայաստանի։ Փաշինյանն էլ իր հերթին է բազմիցս հայտարարել, որ իր նպատակը նոր սահմանադրություն ընդունելն է` հանուն Հայաստանի։ Երկու հակադիր կողմերի, այսպես կոչված նախկինների և ներկաների, և ոչ միայն նրանց, այլև հանրության, ողջ քաղաքական դաշտի միջև ծայրահեղ լարվածությունը թուլացնելու միջոց կարող է լինել նոր սահմանադրության ընդունումը, որով կարգելվի որևէ մեկին երկու անգամից ավել զբաղեցնել երկրի ղեկավարի պաշտոնը` վարչապետ, թե նախագահ, ընդ որում, օրենքը պետք է ունենա հետադարձ ուժ, այսինքն նախկին նախագահներն էլ, ներկա վարչապետն էլ չպետք է այլևս ղեկավարեն երկիրը։
Սրանով վերջ կդրվի տասնամյակներ շարունակ նախկին-ներկա մեծ հակադրությանը և կձևավորվի նոր քաղաքական դաշտ։
Ի դեպ` Նիկոլի ժամանակ է, որ այս խնդիրը շատ ակնհայտ է, նախկինում նույնպես եղել է ՀՀՇ-Կոմկուս, հետո Քոչարյան-ՀՀՇ, Քոչարյան-Սարգսյան մեծ լարվածություն, ուղակի դրանք չեն եղել այսօրվա չափերի։
Ամերիկայում նույնպես մարդը չի կարող է երկու անգամից ավել լինել նախագահ, Հունգարիայում էլ վերջերս նման որոշում կայացվեց։ Հայաստանն էլ այս երկրներից ավելի ժողովրդավար չէ»։
Հետևեք մեզ նաև Telegram-ում