Մադրիդի «Ատլետիկոյի» նախագահ Էնրիկե Սերեսոն հայտարարել է, որ թիմի գլխավոր մարզիչ Դիեգո Սիմեոնեի հետ համագործակցությունը շարունակելու մտադրություն ունի:
«Սիմեոնեն երկարաժամկետ պայմանագիր ունի «Ատլետիկոյի» հետ, և այն ուժի մեջ է: Մենք գոհ ենք նրա աշխատանքից, իսկ նա` մեզանից: Ֆուտբոլիստները ևս շատ ուրախ են Սիմեոնեի հետ աշխատելու համար: Եթե այս ամենին ավելացնենք այն, որ երկրպագուները խենթանում են Դիեգոյի համար, ապա կարող ենք վստահությամբ ասել` նրա հետ համագործակցության շուրջ չեն կարող հարցեր առաջանալ»,-Սերեսոյի խոսքը մեջբերված է «Marca»-ից:
Հիշեցնենք, որ ավելի վաղ իսպանական մամուլում լուրեր էին շրջանառվում իբրև ընթացիկ մրցաշրջանի ավարտից հետո Սիմեոնեն գլխավորելու է «Մանչեսթեր Սիթին»:
