Վրաստանը հնարավոր է սահմանափակի ռուսական ավիաընկերությունների գործունեությունը
Նմանատիպ
Վրաստանի իշխանությունների հայտարարությունը «Տրանսաէրո» ընկերության կողմից իրականացվող Մոսկվա-Թբիլիսի կանոնավոր չվերթներից հնարավոր հրաժարվելու մասին հերթական անգամ անգամ բարձրացրեց ոչ միայն Ռուսաստանի և ԱՊՀ երկրների հետ օդային հաղորդակցության կանոնավորման հարցը, այլև ցույց տվեց միաժամանկ ցածր գներ և ընկերության տնտեսական կայունության պահպանման անհնարինության խնդիրը:
Վրաստանի քաղաքացիական ավիացիայի տնօրեն Գուրամ Ջալոգոնիան հնարավոր է համարել «Տրանսաէրոյի» չվերթների կասեցումն այն բանից հետո, երբ «Georgian Airways»-ի գլխավոր տնօրեն Իյասա Զաուտաշվիլին հայտարարեց, որ «Աէրոֆլոտի» շուկա մտնելուց հետո նրա իրականացրած ուղղություններով չվթերթների արժեքները նվազել են:
«Արդեն նոյեմբերի 10-ից մեզ մոտ ուղևորների հոսքի կտրուկ նվազում նկատվեց` մոտավորապես 60–70%: Եթե մոտ ժամանակներս երկրի ավիաշուակայի գործունեությունը չկարգավորվի, ապա մենք ստիպված կլինենք այդ ուղղություններով դադարեցնել չվերթների իրականացումը», – Ինտերֆաքսի հետ զրույցում նշել է Զաուտաշվիլին:
«Աէրոֆլոտը» դեպի Վրաստան կանոնավոր թռիչքները սկսել է հոկտեմբերի վերջից: Մինչ այդ քաղաքական հարաբերությունների պատճառով Մոսկվայի և Թբիլիսիի միջև իրականացվում էին միայն չարտերային թռիչքներ: Սկզբում երկու երկրների ավիաընկերություններին թույլ տրվեց անսահմանափակ թվով չվերթներ իրականացնելու հնարավորություն, սակայն ներկայումս վրացական իշխանությունները ձգտում են չվերթուղղությոնների վրա վերահսկողություն սահմանել:
Ի դեպ, վրացական իշխանությունների մտահոգությունը հիմնվում է նաև Հայաստանի օրինակի վրա, երբ Հայաստանի վարած լիբերալ օդային քաղաքականության հետևանքով տեղական և եվրոպական ընկերությունները չդիմացան մրցակցությանը` դիրքերը զիջելով ռուսական ավիաընկերություններին:
Հետևեք մեզ նաև Telegram-ում