Պակիստանը պատրաստ է շարունակել միջնորդական առաքելությունը ԱՄՆ-ի և Իրանի միջև
Կարդացեք նաև
Իրանի նախագահ Մասուդ Փեզեշքիանի և Պակիստանի վարչապետ Շեհբազ Շարիֆի միջև տեղի է ունեցել հեռախոսազրույց, որի ընթացքում քննարկվել են տարածաշրջանում լարվածության սրումից հետո ստեղծված իրավիճակը։
Կողմերը կարևորել են զսպվածության, երկխոսության և դիվանագիտության անհրաժեշտությունը՝ տարածաշրջանում խաղաղության ամրապնդման ուղղությամբ «մեծ դժվարությամբ ձեռք բերված» ձեռքբերումները պահպանելու նպատակով։
Շեհբազ Շարիֆը վերահաստատել է, որ Իսլամաբադը պատրաստ է շարունակել միջնորդի դերակատարությունը Վաշինգտոնի և Թեհրանի միջև՝ տարածաշրջանում կայուն և տևական խաղաղության հաստատման նպատակով։
Զրույցի ընթացքում Փեզեշքիանն ու Շարիֆը նաև պայմանավորվել են առաջ մղել երկկողմ համագործակցության օրակարգը, որը համաձայնեցվել էր Իրանի նախագահի՝ վերջերս Պակիստան կատարած այցի ընթացքում։
Հետևեք մեզ նաև Telegram-ում