Հութիները ավիաընկերություններին կոչ են արել խուսափել Սաուդյան Արաբիայի օդային տարածքից

Եմենի «Անսար Ալլահ» (հութիներ) շարժումը նախազգուշացում է տարածել բոլոր ավիաընկերությունների համար՝ կոչ անելով ժամանակավորապես չօգտագործել Սաուդյան Արաբիայի օդային տարածքը, քանի դեռ չի վերացվել Սանայի միջազգային օդանավակայանի շրջափակումը։

«Լրջորեն վերաբերվեք մեր նախազգուշացումներին», — ասվում է շարժման տարածած հայտարարության մեջ։

Նախօրեին հութիները Սաուդյան Արաբիային մեղադրել էին Սանայի օդանավակայանին հարված հասցնելու մեջ՝ պնդելով, որ գործողության նպատակն էր խոչընդոտել իրանական ինքնաթիռի վայրէջքը։

Հութիների հայտարարությունների վերաբերյալ Սաուդյան Արաբիայի պաշտոնական արձագանքը դեռևս չի հրապարակվել։

Հետևեք մեզ նաև Telegram-ում