ՌԴ իշխանությունները հայտնել են Մոսկվայի ուղղությամբ ԱԹՍ-ների զանգվածային հարձակման մասին

Վերջին մեկ օրվա ընթացքում ավելի քան 250 անօդաչու թռչող սարք է թռել Մոսկվայի տարածաշրջանի ուղղությամբ, հայտարարել է Մոսկվայի քաղաքապետ Սերգեյ Սոբյանինը, գրում է interfax-ը։

Նրա խոսքով՝ ԱԹՍ-ների մեծ մասը հակաօդային պաշտպանության ուժերի կողմից չեզոքացվել է Մոսկվայից հեռու գտնվող մատույցներում։ Եվս 16 անօդաչու սարք ոչնչացվել է անմիջապես Ռուսաստանի մայրաքաղաքին մոտենալիս։

Սոբյանինը չի հայտնել հարձակման հետևանքով հնարավոր զոհերի կամ ավերածությունների մասին։ Ռուսական կողմը տեղի ունեցածի պատասխանատվությունը վերագրում է Ուկրաինային, սակայն Կիևի պաշտոնական արձագանքի մասին տվյալներ այս պահին չկան։

ԱԹՍ-ների սպառնալիքի պատճառով Մոսկվայի մի շարք օդանավակայաններում ժամանակավորապես սահմանափակվել են թռիչքներն ու վայրէջքները։

Հետևեք մեզ նաև Telegram-ում