Ռուսական գազի մատակարարումը Հայաստան ժամանակավորապես կդադարեցվի
Կարդացեք նաև
Ռուսաստանի Դաշնության տարածքում իրականացվող պլանային պրոֆիլակտիկ և վերանորոգման աշխատանքներով պայմանավորված՝ ժամանակավորապես կդադարեցվի բնական գազի մատակարարումը Հայաստան։ Այս մասին պաշտոնական հայտարարությամբ հանդես է եկել «Գազպրոմ Արմենիա» ընկերությունը։
Ըստ տարածված հաղորդագրության՝ նշված ժամանակահատվածում հանրապետության սպառողների անխափան և հուսալի գազամատակարարումը կիրականացվի առանց որևէ սահմանափակման։ Գազի ներկրման ժամանակավոր ընդհատման ընթացքում համակարգի կայուն աշխատանքը նախատեսվում է ապահովել ներքին պաշարների, ինչպես նաև Իրանի Իսլամական Հանրապետությունից մատակարարվող բնական գազի լրացուցիչ ծավալների հաշվին։
Ընկերությունը վստահեցնում է, որ տեխնիկական վերանորոգման ընթացքում բաժանորդների համար գազամատակարարման ռեժիմի փոփոխություն կամ խափանումներ չեն արձանագրվի։
Հետևեք մեզ նաև Telegram-ում