Պալաչ. «Ափսոսում եմ, որ Գ. Ծառուկյանի հանդեպ թույլ եմ տվել որոշ արահայտություններ»

Արթուր Հարությանը՝ Պալաչը հայտարարություն է տարածել՝ անդրադառնալով Գ.Ծառուկյանի հետ իր հարաբերությունների շուրջ շահարկումներին: Հայտարարությունում մասնավորապես ասվում է.

«Ես ցավում և ափսոսում եմ, որ Գ. Ծառուկյանի հանդեպ թույլ եմ տվել որոշ ձևակերպումներ և արտահայտություններ:

Գուցե, դա իմ անփորձության կամ հուզմունքի արդյունքն էր, բայց ոչ երբեք՝ միտումնավորության: Ես միշտ բարձր եմ գնահատել Ծառուկյանի կատարած աշխատանքը մեր պետության և մեր ժողովրդի համար, ու նաև նրա բարեգործական գործունեությունը:

Ես մարդկայնորեն խնդրում եմ բոլոր լրատվամիջոցներին. մի շահարկեք այդ թեման: Հարցը խնդրում եմ համարել փակված:

Իմ բոլոր խնդիրները ես կներկայացնեմ անձամբ Գ. Ծառուկյանին և կխնդրեմ նրան՝ արժանապատիվ լուծումներ գտնել: Մի բան կարող եմ հստակ ասել. Ես թույլ չեմ տա երրորդ կողմին՝ օգուտներ քաղել ծագած խնդիրներից»:

Հետևեք մեզ նաև Telegram-ում