Ա.Աղաբաբյանի պատասխանը՝ Վ.Ղուկասյանին. «Ինքը ցայտնոտի մեջ է ու փորձում է իրավիճակից դուրս գալ»
Նմանատիպ
Գյումրիի քաղաքապետ Վարդան Ղուկասյանին ի պատասխան Գյումրիից ԱԺ պատգամավոր ընտրված ՀՀԿ–ական Աշոտ Աղաբաբյանն այսպես է արձագանքել.
«Ինքը ցայտնոտի մեջ է ու փորձում է իրավիճակից դուրս գալ: Ես ընդհանրապես ցանկություն չունեմ վիրավորել իր անձին։ Ինչ վերաբերում է հայրենիք դավաճանելուն, պատերազմի ժամանակ տեսանք’ հայրենիք դավաճանողներն ովքեր են, ինչպիսին և ինքն ա: Խղճուկ վիճակում է հայտնվել նա»:
Նշենք, որ վերոնշյալ պատասխանը վերաբերում էր Վարդան Ղուկասյանի հետևյալ անդրադարձին. «Ցավում եմ, որ հայոց ազգի մեջ նմանատիպ մարդիկ կան, որոնք վասակի հոգեբանությամբ են առաջնորդվում: Աշոտն իրավունք չուներ Ազգային ժողով մտներ, նա իրավունք չուներ քաղաքականության մեջ իր անուն-ազգանունը գրելու, սեփականաշնորհելու ազգի հարստությունը’ «Հրազդան» մարզադաշտը:
Նա պատմություն, ծագումնաբանություն չունեցող մի անձնավորություն է, որը, բացի աշխարհիկ հաճույքներից, ոչ մի այլ նորմալ բանի հակում չունի, նա այդ հաճույքների համար անգամ հայրենիքը կարող է ծախել: Աշխարհիկ հաճույքները նրան հասցրել են այն աստիճանի, որ ինքն իրեն ժամանակից շուտ թոշակի է ուղարկել, այլապես թերթից թերթ թռնելով՝ զառանցանքներ չէր արտահայտի:
Բոլորն էլ տեսան, թե իր հարազատ Աջափնյակում ոնց են մարդիկ իրեն ատում: Եթե հեղինակություն ունենար իր ապրած թաղում, գյումրեցիների ու շիրակցիների մեջքի ետևում պահ չէր մտնի:
Մորուք պահելով՝ պատիվ ձեռք չես բերի, ժամանակը կգա, ես ամեն ինչ կանեմ, որ մարդիկ քո իսկական անդեմ կերպը տեսնեն, առանց մորուքի: Լսիր, ա՛յ նախկին բուֆետչիկ, որ այդ հոգեբանությամբ էլ մնացիր, դռներս չոքած էիր, ընտանիքիդ անդամների հետ «Օազիսում» շնորհակալություն էիր հայտնում, որ ես քեզ օգնեցի պատգամավոր դառնալ:
Մոռացե՞լ ես՝ ոնց էիր ընկել ոտքերս ու խնդրում էիր, թե պարոն քաղաքապետ, ասա Ռոյին, որ հանկարծ չբողոքարկի ընտրությունների արդյունքները: Լսիր, դու, ա՛յ չար, ես նախկինում էլ, հիմա էլ, ու քաղաքապետ չլինելով էլ, կմնամ այն մարդը, ինչ եղել եմ: Բայց քեզ նմանները, որոնք անգամ հրապարակային ծեծվելուց չեն ամաչել, ինձ պատասխան են տալու: Քեզ նմաններն են, որ խայտառակել ու խայտառակում են կուսակցությունը, Ազգային ժողովը և հայ մարդու կերպարը:
Դու ի՞նչ ես արել Գյումրու համար, բացի քո բիզնեսը պահելուց: Գիտեցիր, որ քեզ նմաններին ուղղակի քշելու եմ Գյումրուց:
Տղա ես դարձել, բլբուլ ես դարձել, սկսել ես խոսել, այդքան դարձել ես, հա՞:
Դու իսկական Վասակյան ես, դու ինչ Աղաբաբյան:
Դեռ այսքանը:
Գյումրու քաղաքապետ Վարդան Ղուկասյան
Հ.Գ.
Կյանքում ոչ մի բանի համար չեմ փոշմանել, անգամ եթե սխալ եմ գործել: Բայց կա բացառություն’ Բուռնաշը: Փոշմանել եմ, որ դրան երկու անգամ պատգամավոր եմ դարձրել: Չկարողացա դիմանալ դրա և դրա գերդաստանի աղերսանքներին և աջակցեցի: Աստված թող ների ինձ, որ գյումրեցիներին ու ղուկասյանցիներին ես բուռնաշատիպ պատգամավոր տվեցի, այլ ոչ թե մի կարգին մարդ: Դե, ինչ արած, ես էլ եմ մարդ, սխալվելու իրավունք ունեմ»:
