Արցախյան բանակում սովորում են ազգագրական պարեր պարել
Նմանատիպ
Արցախի պաշտպանության բանակի հրամանատարության նախաձեռնությամբ և մշակույթի ու երիտասարդության հարցերի նախարարության աջակցությամբ՝ սկվել է Արցախի զորամասերում ազգագրական և հատկապես ռազմական պարերի ուսուցումը:
Այս մասին Times.am-ի թղթակիցը խոսեց «Արցախ» ազգային պարի նախաձեռնության ղեկավար Սարգիս Պարսամյանի հետ:
Վերջինս իր խոսքում նշեց, որ «Արցախ» ազգային պարի նախաձեռնությունն դեկտեմբերի սկզբից սկսել է իր առաքելությունը, տարբեր զորամասերում դասավանդում է ազգագրական պարեր: Սակայն Նոր տարվանից այս ամենն ավելի համակարգային բնույթ կկրի:
Նախատեսվում է «Ռազմական պարերը, դրանց դերն ու նշանակությունը հասարակության և զինվորականության համար» թեմայով դասախոսությունների շարք:
«Կլինենք ինչպես պրակտիկ պարապունքներ, այնպես էլ դասախոսություններ,որոնց ընթացքում կբացատրվեն Սասնա քոչարու, յարխուշտայի, շատախի և քերծի, ինչպես նաև, այլ մարտական պարերի ծագումնաբանությունը»,- նշեց Սարգիս Պարսամյանը՝ կարևորելով նախաձեռնության համակարգային և ծրագրված լինելը:
Ի պատասխան մեր հարցին, վերջինս նշեց, որ դասավանդման մեխանիզմն այնպես է ընտրված, որ յուրաքանչյուր զորամասում շաբաթական մեկ դաս է անցկացվելու:
Հետևեք մեզ նաև Telegram-ում