The Guardian-ն առաջարկում է Արցախում անցկացնել հանգիստը
Նմանատիպ
Բրիտանական The Guardian պարբերականը իր ընթերցողներին ներկայացնում է 2015թ-ին հանգիստ անցկացնելու լավագույն վայրերը:
«2015թ-ի լավագույն արկածային արձակուրդները» խորագրով հոդվածում ի թիվս երկրագնդի հետաքրքիր վայրերի ներկայացվում է նաև Արցախի Հանրապետությունը:
Արցախը ներկայացվում է, որպես չճանաչված հանրապետություն, որը սահմանակից է Ադրբեջանի հետ և գտնվում է Հայաստանի վերահոսկողության ներքո:
Նշվում է, որ չնայած սահմանային խժդժություններին և քաղաքական վերհսկողության համար մղվող մարտերին երկիրը շատ բան ունի առաջարկելու զբոսաշրջիկներին` լեռնային վանական համալիրներ, հնավայրեր, հին քարանձավային բնակավայրեր և բնական գեղեցկությամբ նշանավոր վայրեր:
Հոդվածում ներկայացվում է Արցախ այցելելու տուր-փաթեթ, սակայն միևնույն ժամանակ զգուշացվում է, որ անգլիական դեսպանատունը պատասխանատու է միայն Երևան այցի համար:
Չնայած հոդվածում ցուցաբերված զգուշավորությանը, սակայն կարևոր է համաշխարհային ճանաչում ունեցող նման պարբերականում Արցախ այցելելու մասին առաջարկը: Կարևոր է նաև հանրաճանաչ միջազգային պարբերականներում այդ գծի շարունականության ապահովումը: Զբոսաշրջության զարգացումը Արցախի համար իսկապես կարող է դառնալ տնտեսության զարգացման շահութաբեր ուղղություն և միջազգային ճանաչմանն ուղղված կարևորագույն քայլ:
Լուսանկարը` Artsakh art and architecture էջից
Հետևեք մեզ նաև Telegram-ում