Արա Խաչատրյանը ձախողել է պոկում վարժությունը

Լոնդոնում ընթացող ամառային Օլիմպիական խաղերի շրջանակներում այսօր մեկնարկել են ծանրամարտի 85կգ քաշայինների մրցելույթները, որտեղ B խմբում Հայաստանը ներկայացնում է ծանրամարտիկ Արա Խաչատրյանը:

Պոկում վարժությունում հայ մարզիկն արդեն անհաջող է հանդես եկել: Նա պատվիրել էր ամենածանր քաշը՝ 165 կգ, սակայն երեք մոտեցումների ժամանակ էլ ձախողվել է՝ ստանալով 0 միավոր:

Առաջիկայում սպասվում է հրում վարժությունը:

Նշենք, որ ծանրամարտում Հայաստանը դեռ երկու ներկայացուցիչ ունի. 94կգ քաշային կարգում վաղն ասպարեզ դուրս կգա Նորայր Վարդանյանը’ լեգենդար Յուրի Վարդանյանի որդին: Կանանց պայքարում օգոստոսի 5-ին հանդես կգա Հռիփսիմե Խուրշուդյանը (+75):

Հիշեցնենք, որ իրենց ելույթներն արդեն ավարտել են Առաքել Միրզոյանը ու Մելինե Դալուզյանը: