Վրաստանի նախագահը Պորոշենկոյին հղած նամակում «ահաբեկչություն» է որակել Մարիուպոլի գնդակոծումը
27/01/2015 10:56
Նմանատիպ
Վրաստանի նախագահ Գեորգի Մարգվելաշվիլին նամակ է ուղարկել Ուկրաինայի իր պաշտոնակից Պյոտր Պորոշենկոյին, որում ափսոսանք է հայտնել Ուկրաինայի հարավ-արեւելքի Մարիուպոլ քաղաքում մարդկանց զոհվելու կապակցությամբ, տեղեկացնում է «Նովոստի Գրուզիա»-ին:
«Խորը ափսոսանք ու վշտակցություն եմ հայտնում Ուկրաինայի Մարիուպոլ քաղաքում կատարված ահաբեկչական գործողության կապակցությամբ, որն անմեղ մարդկանց կյանքեր խլեց: Խաղաղ բնակչության վրա հարձակումը, նույնիսկ պատերազմի պայմաններում, ծանրագույն հանցագործություն է, եւ այն չպետք է անարձագանք մնա միջազգային հանրակցության կողմից»,- ասված է Մարգվելաշվիլիի նամակում:
Հետևեք մեզ նաև Telegram-ում