Սիկխերի տաճարում տեղի է ունեցել հրաձգություն. կան զոհեր
06/08/2012 10:39
Նմանատիպ
ԱՄՆ Վիսկոնսին նահանգի սիկխերի տաճարում տեղի է ունեցել հրաձգության,որի արդյունքում յոթ մարդ է զոհվել՝ ներառյալ հրաձիգը, տեղեկացնում է BBC-ն:
Զինված անձը կիրակի առավոտյան մտել է Սիկխի տաճար և կրակ բացել:
Ոստիկանությունը, մի քանի ահազանգ ստանալուց հետո, այնտեղ է ուղարկել հերթապահ ոստիկանի, ով փոխհրաձգության մեջ է մտել զինված հանցագործի հետ և վիրավորվել, սակայն նրա կյանքին վտանգ չի սպառնում:
Վիրավորների թվի մասին դեռևս տեղեկություններ չկան, սակայն, ըստ BBC-Ի, հավանաբար, նրանց թիվն անցնում է 25-ը:
Նախագահ Բարաք Օբաման իր ցավակցությունն է հայտնել զոհվածների ընտանիքներին: