Ադրբեջանի շահերը ԱՄՆ-ում պաշտպանում է հրեական լոբբին

Ադրբեջանի նախագահի աշխատակազմի հասարակական քաղաքական հարցերով բաժնի ղեկավար Ալի Հասանովը խոստովանել է, որ ԱՄՆ-ում Ադրբեջանի շահերը պաշտպանում է հրեական լոբբին:

Այս մասին, ինչպես հաղորդում է «Արմենպրես»-ը` վկայակոչելով The Jerusalem Post թերթը, Հասանովը հայտարարել է իսրայելական պատվիրակության հետ հանդիպման ժամանակ:

«Մասնավորապես, հրեական լոբբին եւ իսրայելցի առաջնորդները ամերիկացի գործընկերների հետ լուրջ երկխոսություն են տանում Ադրբեջանին վերաբերող հարցերի շուրջ»,- ասել է նա:

Հասանովը նշել է, որ, «չնայած արտաքին ճնշումներին», Ադրբեջանը Իսրայելին համարում է իր շատ կարեւոր դաշնակիցն ու ռազմավարական գործընկերը: «Իսրայելն ու Ադրբեջանը հուսալի գործընկերային հարաբերությունների մեջ են նաեւ ռազմական ոլորտում»,- ասել է ադրբեջանցի պաշտոնյան: