Չավուշօղլուն հույսեր է կապում Հունաստանի նորընտիր ձախերի հետ
Նմանատիպ
Թուրքիան պատրաստ է համագործակցել Հունաստանում խորհրդարանական ընտրություններում հաղթած ձախակողմյան ուժերի հետ՝ Կիպրոսի հարցով: Այս մասին հայտարարել է Թուրքիայի արտգործնախարար Մևլյութ Չավուշօղլուն:
Նա նշել է, որ Թուրքիան ցանկանում է վերսկսել բանակցություններ, որոնք «կհանգեցնեն լարվածության նվազեցմանը Էգեյան շրջանում և այլ հարցերում»:
Թուրք դիվանագետը նշել է, որ Հունաստանն է հեռացել Կիպրոսի հարցով բանակցություններից, իսկ Թուրքիան պատրաստ է վերսկսել դրանք:
Թուրքիան Հունաստանին առաջարկել է նաև միասին զբաղվել նավթարդյունահանումով ու գազարդյունահանումով Միջերկրական ծովի արևելյան հատվածում:
Չավուշօղլուն մեծ հույսեր է կապել նորընտիր ուժերի հետ` հույս հայնտնելով , որ նրանք համամիտ կլինեն Թուրքիայի հետ:
Հիշեցնենք, որ Հունաստանում խորհրդարանական վերջին ընտրություններում 36,34 % ձայներով հաղթել է ձախակողմյան ուժերի ՍԻՐԻԶԱ կոալիցիան, որին էլ Հունաստանի նախագահ Պապուլյասն առաջարկել է կառավարություն ձևավորել:
Հետևեք մեզ նաև Telegram-ում