Այսօր Հայաստանի ազատագրության հայ գաղտնի բանակի («ԱՍԱԼԱ») նահատակների հիշատակության օրն է:
Հայաստանի ազատագրության հայ գաղտնի բանակը ռազմաքաղաքական ընդահատակյա կազմակերպություն է։
Ստեղծվել է 1975-ին։ Նպատակն է ռազմական գործողություններով համաշխարհային հասարակության ուշադրությունը հրավիրել Հայկական Հարցի վրա, թուրքական պետությանը ստիպել ճանաչելու 1915-23-ի ցեղասպանությունը և բռնագրավված Արևմտյան Հայաստանը վերադարձնել նրա իսկական տիրոջը՝ հայ ժողովրդին։
ՀԱՀԳԲ-ի ռազմական գործողությունները գլխավորապես ուղղված էին թուրքական դիվանագետների, պետական պաշտոնատար անձանց, դեսպանատների, հյուպատոսարանների, «Թուրքական Օդային Գծեր» ընկերության գրասենյակների, ինչպես նաև օտարերկրյա այն բոլոր հաստատությունների դեմ, որոնք դրամական կամ ռազմական օժանդակություն են ցույց տալիս թուրքական պետությանը։
Դեռ ԽՍՀՄ տարիներին ժողովուրդը սիրում և գնահատում էր ԱՍԱԼԱ-ի քաջ նահատակներին և պետությունը «ԱՍԱԼԱ»-յին չի ճանաչում որպես ահաբեկչական խմբավորում:
