«Հայկական ժամանակ». Երթ` ի պաշտպանություն ազատազրկման դատապարտված ՀԱԿ ակտիվիստների

Ի պաշտպանություն հուլիսի 20-ին 2-6 տարվա ազատազրկման դատապարտված Հայ ազգային կոնգրեսի երիտասարդ 4 ակտիվիստների’ օգոստոսի 16-ին, ժամը 17.00-ին Երևանի Ազատության հրապարակից կմեկնարկի երթ դեպի ԵԽԽՎ երևանյան գրասենյակ: «Մարդու իրավունքների’ որպես համամարդկային արժեքների ջատագով հանդիսացող Եվրոպական ընտանիքն իրավունք չունի լռելու, երբ ԵԽ անդամ երկրում իրենց քաղաքական հայացքների համար երիտասարդները դատապարտվում են ազատազրկման: Ապացուցեք, որ դուք չեք աջակցում բռնապետական ու հակամարդկային ռեժիմին»,- նշված է երթի կազմակերպիչների հաղորդագրության մեջ: Ի դեպ, երթի կազմակերպիչները «Ազատում ենք Կոնգրեսի երիտասարդներին» «Ֆեյսբուք» սոցիալական ցանցի նախաձեռնության անդամներն են: