Հոլիվուդյան աստղերի մասնակցությամբ Սարոյանի վեպի հիման վրա ֆիլմի պրեմիերան կկայանա տարեվերջին

Հոլիվուդյան դերասանուհի Մեգ Ռայանն առաջին անգամ հանդես կգա կինոռեժիսորի դերում՝ նկարահանելով Վիլյամ Սարոյանի «Մարդկային կատակերգություն» վեպը։ Գրում է The Guardian-ը։ Ֆիլմը կոչվելու է Իթաքա (Ithaca)։

Ֆիլմում Մեգ Ռայանի հետ միասին կնկարահանվեն Սեմ Շեպարդը և Մելանի Գրիֆիթը, իսկ Թոմ Հենքսը կդառնա ֆիլմի պրոդյուսերը։ Ֆիլմում կնկարահանվի նաև Մեգ Ռայանի որդին՝ Ջեք Քուեդը, հայտնի է իր The Hunger Games ֆիլմում Մարվելի դերով։

Վիլյամ Սարոյանի «Մարդկային կատակերգություն» վեպի՝ ֆիլմի տարբերակով սցենարը գրել է Էրիկ Ջենդրեսենը։ Հիշեցնենք, որ ֆիլմի գործողությունները, ինչպես Սարոյանի վեպում, տեղի են ունենում 1942թ-ին Քալիֆորնիա նահանգի Իթաքա քաղաքում։ Ֆիլմը պատմում է 14-ամյա փոստատար Հոմեր ՄաքՕլեյի մասին, ում ավագ եղբայրը պատերազմ է գնում, իսկ նա մնում է տանը՝ մոր, եղբոր և քրոջ հետ ու հոգում է ընտանիքի ապրուստը:

Ըստ տեղեկությունների՝ ֆիլմի պրեմիերան կկայանա տարեվերջին՝ դեկտեմբերի 31-ին ԱՄՆ-ում: Ժանրը՝ դրամա, պետությունը՝ ԱՄՆ, բյուջեն՝ 5միլիոն դրամա, անձնակազմը՝ պրոֆեսիոնալ և աշխարհահռչակ. ահա այսպես է տվյալ ֆիլմը նկարագրված IMDB.com կայքում: