Հայ գրոսմայստերները նախապատրաստվում են նոր մրցաշարերի

Օգոստոսի 27-ին Ստամբուլում սկսվող շախմատի 40-րդ համաշխարհային օլիմպիադային նախապատրաստվող Հայաստանի ազգային հավաքականներն իրենց ուսումնամարզական եզրափակիչ հավաքն են անցկացնում Ծաղկաձորում:

Տղամարդկանց թիմում են Լեւոն Արոնյանը, Սերգեյ Մովսիսյանը, Վլադիմիր Հակոբյանը, Գաբրիել Սարգսյանը, Տիգրան Լ. Պետրոսյանը (մարզիչ’ Արշակ Պետրոսյան):

Կանանց հավաքականի կազմում են Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան, Աննա Հայրապետյանը (մարզիչ’ Արթուր Չիբուխչյան):

Շախմատի ֆեդերացիայի պաշտոնական կայքից նաև տեղեկանում ենք, որ ՖԻԴԵ-ն հրապարակեց նոյեմբերի 9-ին Ռուսաստանի Խանտի Մանսիյսկ քաղաքում սկսվող աշխարհի կանանց առաջնության մասնակիցների կազմը: 64 շախմատիստուհիների մեջ են գրոսմայստերներ Էլինա Դանիելյանը եւ Լիլիթ Մկրտչյանը: