Պորոշենկոն եւ Մերկելը քննարկել են Դեբալցեւոյում գերեվարված զինծառայողների ազատումը
Նմանատիպ
Ուկրաինայի նախագահ Պյոտր Պորոշենկոն եւ Գերմանիայի կանցլեր Անգելա Մերկելը հեռախոսազրույցի ընթացքում ընդգծել են, որ Դեբալցեւոյում գերեվարված ուկրաինացի զինծառայողների ազատման շուրջ ձեռք բերված պայմանավորվածությունները պետք է կատարվեն: Այդ մասին, ինչպես տեղեկացնում է «Արմենպրես»-ը, հաղորդել է Ուկրաինայի նախագահի մամուլի կենտրոնը:
Ինչպես նշվում է հաղորդագրության մեջ, Պորոշենկոն հեռախոսազրույց է անցկացրել Մերկելի հետ, որի ընթացքում նրանք քննարկել են հրադադարի կայուն ռեժիմի հասնելու ուղիները եւ նշել, որ ԵԱՀԿ-ի հատուկ մոնիթորինգային առաքելությունը պետք է լիակատար մուտք ունենա հակամարտության գոտու բոլոր շրջաններ:
«Նրանք նաեւ ընդգծել են, որ պետք է կատարվեն Դեբալցեւոյից դուրս գալու ժամանակ գերի բռնված ուկրաինացի զինվորականների ազատման շուրջ «նորմանդական ձեւաչափով» ձեռք բերված պայմանավորվածությունները»,- ասված է հաղորդագրության մեջ:
Ըստ «Ինտերֆաքս»-ի՝ Մերկելը եւ Պորոշենկոն համաձայնել են, որ Եվրամիությունը պետք է հետագա միջոցներ ձեռնարկի Մինսկի պայմանավորվածությունների կատարման նպատակով:
Հետևեք մեզ նաև Telegram-ում
