Թուրքիայում մի շարք նախարարներ հրաժարականներ կտան
Նմանատիպ
Թուրքիայի կառավարության երեք նախարարներ կհեռանան իրենց պաշտոններից: Այս մասին տեղեկացնում է Hurriye-ը` հղում կատարելով Թուրքիայի վարչապետ Ահմեդ Դավութօղլուի հայտարարությանը:
Նրա խոսքերով, մարտի վեցին հրաժարական կտան արդարադատության նախարար Բեքիր Բոզդագը, ներքին գործերի նախարար Աֆգան Ալան և տրանսպորտի և հաղորդակցության նախարար Լյութֆի Էլվանը:
Թուրքիայի կառավարության ղեկավարը հայտնել է նաև նոր նախարարների անունները:
Վերջինս նշել է, որ նախարարների հրաժարականները կապված են Թուրքիայում կայանալիք խորհրդարանական ընտրությունների հետ:
Ընտրությունները կանցկացվեն սույն թվականին հունիսին, որին մասնակցություն կունենան շուրջ 31 քաղաքական կուսակցություններ:
Ավելի վաղ տեղեկացվել է, որ իշխող Արդարություն և զարգացում կուսակցության ավելի քան 70 ներկայիս պատգամավորներ չեն կարող մասնակցություն ունենալ գալիք ընտրություններին: Այդ որոշումը կայացվել է կուսակցության ներքին օրենսդրության համաձայն:
Հետևեք մեզ նաև Telegram-ում