Արայիկ Հայրապետյանը’ Լավանդայի Արայիկը, ով դեռ մայիսին ՕԵԿ անդամ էր, ամռանն էլ դիմում էր գրել կուսակցությանը վերաանդամագրվելու համար, «Հրապարակի» տեղեկությունների համաձայն, հետագայում հրաժարվել է իր մտադրությունից: Իսկ ՕԵԿ վերակազմավորումն ավարտվել է հուլիսին, ինչի մասին նախօրեին հայտնել էր ՕԵԿ փոխնախագահ Հեղինե Բիշարյանը: Թեպետ Հայրապետյանը երեկ չի ցանկացել որևէ մեկնաբանություն տալ’ նշելով, որ առաջիկայում հայտարարություն կանի այդ մասին: «Հրապարակ» թերթի հիշեցմամբ’ ՕԵԿ-ին անդամագրված որոշ գործարարներ ու պաշտոնյաներ համարում են, որ իրենց «քցել են»’ նրանց մի մասը չդարձավ Աժ անդամ, մյուսները պաշտոն չստացան, թեև Արթուր Բաղդասարյանը բոլորին խոստումներ էր տվել, և նրանք բավականին ծախսեր էին արել հօգուտ Կ-ի:
