Մինչև սեպտեմբերի 11-ը ՀՀ կառավարությունը պետք է պատասխանի Եվրադատարանի երեք հարցերին, որոնք առաջադրվել են 2008-ի փետրվարի 19-ին տեղի ուեեցած նախագահական ընտրությունների վերաբերյալ դիմումի քննության շրջանակներում:
Այս մասին «Հայկական ժամանակի» թղթակցի հետ զրույցում ասել է դիմողի’ ՀՀ առաջին նախագահ, 2008-ի նախագահական ընտրություններում նախագահի թեկնածու Lևոն Տեր-Պետրոսյանի Եվրադատարանում ներկայացուցիչ փաստաբան Վահե Գրիգորյանը: Եվրադատարանը դիմումը մասնակի քննության է ընդունել: Մասնավորապես, Եվրադատարւսնի կողմից կառավարությանն ուղարկած առաջին հարցադրումը վերաբերում է 2008-ի նստացույցի օրերին նախագահի թեկնածու Լևոն Տեր-Պետրոսյանի անձնական ազատության և տեղաշարժի իրավունքի սահմանափակմանը: Երկրորդ հարցը վերաբերում է 2008-ի փետրվարի 20-ից մինչեւ մարտի 1-ը տեղի ունեցած հավաքների ազատության սահմանափակման ու մարտի 1-ին հանրահավաքը ցրելու օրինականությանը: Երրորդ հարցը ևս վերաբերում է մարտի 1-ին’ առնչվում է այդ օրը Լևոն Տեր-Պետրոսյանի տնային կալանքին: Այսինքն, այս գործով ԵԴ-ի վճիռը վերաբերելու է մարտի 1-ի դեպքերին:
