Հայ շախմատիստները բարելավում են իրենց դիրքերը Համաշխարհային օլիմպիադայում
Նմանատիպ
Շախմատի Հայաստանի տղամարդկանց և կանանց հավաքականները Ստամբուլում ընթացող Համաշխարհային օլիմպիադայի 9-րդ տուրում հաղթանակ տոնեցին: Տղամարդկանց թիմի մրցակիցը Գերմանիայի հավաքականն էր, կանանց թիմի մրցակիցը՝ Իրանի հավաքականը:
Ինչպես հաղորդում է armchess.am կայքը, տղաները գերմանացիների նկատմամբ առավելության հասան 2.5։1.5 հաշվով: Լևոն Արոնյանը հաղթանակ տոնեց Արկադի Նայդիչի նկատմամբ: Գաբրիել Սարգսյանը սեւերով պարտություն կրեց Դենիել Ֆրիդմանից: Սերգեյ Մովսիսյանը պարտիան ավարտեց ոչ-ոքի: Մեր թիմին հաղթանակ պարգևեց Վլադիմիր Հակոբյանը, ով սպիտակ խաղաքարերով առավելության հասավ Գեորգ Մայերի նկատմամբ:
Հայաստանի հավաքականը 10-րդ տուրում կմրցի ԱՄՆ-ի հետ:
Կանանց հավաքականում իրենց պարտիաները ոչ ոքիով ավարտեցին Լիլիթ Գալոյանը և Լիլիթ Մկրտչյանը, համապատասխանաբար Գազալ Հակիմիֆադի հետ և Սարասադատ Խադեմալշարիեխի հետ խաղերում: Մարիա Կուրսովան 61-րդ քայլում առավելության հասավ Շայաստե Գադերպուրի նկատմամբ, իսկ Էլինա Դանիելյանը 71-րդ քայլում սեւ խաղաքարերով պարտության մատնեց Ատուոսա Պուրկաշիյանին:
Հետևեք մեզ նաև Telegram-ում