ՀԱԿ պատգամավորներից 3-ն անտեսեցին Զուրաբյանի որոշումը. ԱԺ-ն միաձայն ընդունեց Հայոց ցեղասպանության մասին հայտարարությունը (տեսանյութ)
21/04/2015 14:40
Նմանատիպ
Ազգային ժողովը միաձայն ընդունել է Հայոց ցեղասպանության 100-րդ տարելիցի հետ կապված հայտարարություն: Դրան կողմ է քվեարկել արտահերթ նիստին մասնակցելու համար գրանցված 113 պատգամավոր: Ի դեպ, «Արմենպրես»-ի հաղորդմամբ՝ նախորդ նիստի ընթացքում հայտարարության քննարկմանը ՀԱԿ խմբակցության ղեկավար Լևոն Զուրաբյանը հայտարարել էր, որ իրենք նպատակահարմար չեն համարում նման հայտարարության ընդունումը, և ՀԱԿ խմբակցությունը քվարկությանը չի մասնակցելու: Չնայած Զուրաբյանի այդ հայտարարությանը՝ ՀԱԿ խմբակցության պատգամավորներ Նիկոլ Փաշինյանը, Ստեփան Դեմիրճյանը և Լյուդմիլա Սարգսյանը մասնակցել են արտահերթ նիստին և կողմ են քվեարկել հայտարարությանը:
Հետևեք մեզ նաև Telegram-ում
