ԱԺ-ում ամենառոկոկո սենյակը գեներալ Մանվելինն է. փայտե սև կահույք’ ուրույն նախշերով: Ամենառաբիզը’ Թոխմախի Մհերինը: Ամենահամեստը’ գեներալ Սեյրանինը. պետության տված սեղան-աթոռից բացի, ուրիշ բան չկա «համեստի մեջ» վերանորոգված 2 սենյականոցում: Ամենավիպ և նանո սենյակը Գուրգեն Արսենյանինն է. նա իր փոքրիկ սենյակը բաժանել է 2 հավասար մասի’ եվրոպական դիզայնով, մի մասում երկու օգնականներն են նստում, մյուսում մի կերպ տեղադրել է թանկարժեք սև կաշվե բազմոց և բազկաթոռներ, և այնտեղ երկու հոգուց ավելի մարդ չի կարող տեղավորվել. տպավորություն է, թե ինքնաթիռի սալոնում ես: Թերևս սա է պատճառը, որ ողջ օրը Գուրգեն Արսենյանն անցկացնում է Վարդան Օսկանյանի հետ’ միջանցքում կամ նրա սենյակում, շատ չշփվելով «մույս» ԲՀԿ-ականների հետ: Եվ ընդհանրապես, նա չունի նախորդ «սազիվի» ՄԱԿ-ին հատուկ ինքնավստահությունն ու ակտիվությունը:
