Կրեմլից երեկ հրաժարվել են մեկնաբանել, թե ինչու Ռուսաստանի Դաշնության նախագահ Վլադիմիր Պուտինի այցը Հայաստան, որ, ըստ ԱՊՀ երկրների ինստիտուտի տնօրեն Կոնստանտին Զատուլինի, պետք է տեղի ունենար սեպտեմբերին, չի կայացել:
Երեկ «ՀԺ»-ի թղթակիցը զանգահարել է ՌԴ նախագահի մամուլի և տեղեկատվության վարչության պետ Անդրեյ Ցիբուլինին և, հիշատակելով Զատուլինի հայտարարությունը, հարցրել է. «Կարո՞ղ եք ասել, թե ինչու նախագահ Պուտինի այցը Հայաստան չի կայացել»: Պատասխանը եղել է հետևյալը. «Մենք չենք կարող ձեզ ոչինչ ասել, թե ինչու այցը չի կայացել»: Վլադիմիր Պուտինի Հայաստան կատարելիք այցի մասին խոսվում էր դեռ մայիսի վերջից, անգամ ժամկետներ էին նշվում, սկզբում’ սեպտեմբերի 7, հետո’ 17: Ավելին, Զատուլինը հայտարարել էր, թե այցը պետական է, և դրա համար արդեն նախապատրաստական աշխատանքներ են ընթանում:
