ԼՂՀ ՊԲ-ում մեկնարկել են 2015թ. ուստարվա առաջին կիսամյակի հսկողական ստուգումները
Նմանատիպ
Պաշտպանության բանակում հունիսի 15-ից մեկնարկել են 2015 թվականի ուսումնական տարվա առաջին կիսամյակի հսկողական ստուգումները, որոնց նպատակն է ի մի բերել ուսումնաշրջանում կատարված գործընթացների արդյունքները, ստուգել զորամասերի և զինանձնակազմի պատրաստվածության աստիճանը: Համաբանակային նշանակության այս միջոցառումն իրականացվում է բանակի վարչության բարձրաստիճան սպաներից կազմված հատուկ հանձնաժողովների կողմից, որոնք մեծ ուշադրություն դարձնելով գործնական նորմացույցների կատարման ունակություններին, վեր են հանում նկատված բացթողումներն ու թերացումները և կարճ պարապմունքների միջոցով տեղերում լուծում տալիս առկա խնդիրներին:
Ինչպես տեղեկացրին ԼՂՀ պաշտպանության նախարարության մամուլի ծառայությունից, չստորադասելով մնացած առարկաների նշանակությունը` բանակում հսկողական ստուգումների ընթացքում ավելի մեծ կարևորություն է տրվում մարտական պատրաստության և պատրաստականության առարկաներին` նպատակ ունենալով բացահայտել զորամասերի ու ստորաբաժանումների ուժեղ և թույլ կողմերը և համապատսխան քայլեր ձեռնարկել մարտական պատրաստության մակարդակը էլ ավելի բարձրացնելու համար:
Հետևեք մեզ նաև Telegram-ում