Յորկը կարծում է` Բեյլը պետք է տեղափոխվի «Ման. Յունայթեդ»
Նմանատիպ
«Մանչեսթեր Յունայթեդի» նախկին հարձակվող Դուայթ Յորկը կարծում է, որ Մադրիդի «Ռեալի» կիսապաշտպան Գարեթ Բեյլի համար ավելի լավ կլինի, եթե նա համալրի «կարմիր սատանաների» կազմը:
-Կարծում եմ` «Մանչեսթեր Յունայթեդը» պետք է գնի Բեյլի տրանսֆերը: Թիմին հենց նման ֆուտբոլիստ է անհրաժեշտ: Ֆուտբոլիստ, ով կարողանում է արագ գնդակ խլել և վազել: Նրան այստեղ սիրում են և ավելի շատ կգնահատեն, քանի որ Անգլիայում երկրպագուները գիտեն նրան և գիտեն` ինչ սպասել նրանից:
Բեյլը հիանալի արագությամբ ֆուտբոլիստ է, իսկ այդ որակն անգլիական ֆուտբոլում շատ կարևոր է: Եթե ես հնարավորություն ունենայի ամառային տրանսֆերային պատուհանի ընթացքում «Մանչեսթեր Յունայթեդի» համար գնել միայն մեկ ֆուտբոլիստի, այդ ֆուտբոլիստը կլիներ Բեյլը,-Յորկի խոսքը մեջբերված է «The Sun»-ից:
Հավելենք, որ ավելի վաղ Գարեթ Բեյլը հայտարարել է, որ մադրիդյան ակումբից հեռանալու մտադրություն չունի և պատրաստվում է նոր մրցաշրջանում ավելի լավ հանդես գալ:
Հետևեք մեզ նաև Telegram-ում