Խամես. Արգենտինայի հետ խաղը շատ բաներ ուղղելու հիանալի հնարավորություն է

Կոլումբիայի հավաքականի կիսապաշտպան Խամես Ռոդրիգեսը խոսել է Ամերիկայի գավաթի խաղարկության 1/4 եզրափակիչ փուլի` Արգենտինայի հետ հանդիպումից ունեցած ակնկալիքների մասին:

-Բոլորն էլ գիտեն` որքան լավ կազմ ունի Արգենտինայի հավաքականը, սակայն Կոլումբիան խաղադաշտ է դուրս գալու ֆուտբոլ խաղալ, ոչ թե միայն պաշտպանվելու համար: Բնականաբար, ես չեմ ցանկանում վատ խաղալ, սակայն երբեմն ամեն ինչ հակառակ ձևով է ընթանում: Արգենտինայի հետ հանդիպումը շատ բաներ ուղղելու հիանալի հնարավորություն է:

Կոլումբիան միշտ խաղում է հաղթելու համար: Այս հանդիպմանը դեռ բավականին ժամանակ կա, իսկ մենք ունենք թույլ կողմերի վրա աշխատելու անհրաժեշտություն,-Խամեսի խոսքը մեջբերված է «Sportsmole»-ից:

Հավելենք, որ Կոլումբիա-Արգենտինա հանդիպումը կայանալու է հունիսի 27-ին: