Երվանդ Զախարյանը ՀԲ-ի ներկայացուցիչների հետ քննարկել է էներգետիկ ոլորտի վարկային ծրագրերը
Նմանատիպ
ՀՀ էներգետիկայի և բնական պաշարների նախարար Երվանդ Զախարյանը հունիսի 23-ին ընդունել է Համաշխարհային բանկի ներկայացուցիչներ՝ էներգետիկայի գծով ավագ տնտեսագետ Արթուր Կոչնակյանին, ավագ ինժեներ-էներգետիկ Կոջի Նիշիդային և ՀԲ երևանյան գրասենյակի արտաքին կապերի պատասխանատու Վիգեն Սարգսյանին: Այս մասին տեղեկացրին ՀՀ էներգետիկայի և բնական պաշարների նախարարության տեղեկատվության և հասարակայնության հետ կապերի բաժնից:
Հանդիպման ընթացքում քննարկվել են Հայաստանի էներգետիկ ոլորտում ՀԲ աջակցությամբ իրականացվող ծրագրերի՝ «Էլեկտրամատակարարման հուսալիություն» և «Էլեկտրահաղորդման ցանցի բարելավում» վարկային ծրագրերի ընթացքը: ՀԲ ներկայացուցիչները նշել են, որ հիմնականում գոհ են կատարվող աշխատանքներից և կարևորել են ժամանակացույցից հետ չմնալու հանգամանքը:
Հանդիպման ընթացքում կողմերը խոսել են նաև «Նաիրիտ գործարան» ՓԲԸ-ի հետագա շահագործման վերաբերյալ վերջնական հաշվետվության մասին, որն առաջիկա օրերին կտեղադրվի նաև նախարարության պաշտոնական կայքում:
Հետևեք մեզ նաև Telegram-ում